陸羽仁---- 舉步維艱

[size=4]美股昨日走勢與上周五差唔多，先升後回，連續第二日向下。利比亞狂人卡達菲的部隊開始動用戰機、軍車和大炮猛烈轟炸，造成不少平民傷亡。美國正密謀策動沙地提供武器俾利比亞叛軍，睇鈬動亂有排都唔會平息，油價越升越高，昨日更一度觸及每桶107美元，其後美國宣布或會動用石油儲備遏抑油價，油價才稍為回順至每桶105美元。



另外，富國銀行下調科技股評級，令科技股下滑；穆迪投資忽然大幅下調埃及評級三級至B1，展望負面，亦打擊了大市的投資氣氛。「恐慌指標」VIX指數昨日跳升近9%至20上方。



杜指由早上的最高位下滑超過200點才喘定，最多下跌128點，尾市跌幅收窄至80點，報12090點；標普500指數報1310點，挫11點。杜指期貨最新報12154點，較現貨高水64點。



港股美國預託證券偏軟，ADR港比指數報23184點，比香港收市低129點或0.6%。匯控收82.92元，比香港低0.2%，中移動收74.13元，比香港低0.4%。



而家美股面對的問題是位高勢危，上破乏力，有幾大風險因素。第一，油價。

過去幾個星期油價已經升鰦25%，但同期的標普500指數只係微跌2%，股價無反映油價升幅，皆因投資者認為油價高企的情況只係暫時性的，唔會持續好耐，對經濟唔會造成太大影響。不過，利比亞動亂的時間已經長過埃及，似乎有排都唔會搞掂，更令人憂慮的是還會拖埋最大的產油國沙地落水，沙地反對派的示威正在升級中，油價睇鈬仍會長期高企，短時間都唔會回落。



油價同美國經濟的關係明顯，美股交易員分析，油價每上升每桶20 美元，就會降低美國GDP增長0.5個百分點。原因係油價高升會影響消費，美國人花在汽油上的開支的比重好大。一個年收入7.5萬美元的家庭，擁有兩架車，以目前的汽油價格每加侖4美元計，一年花費要6千到7千美元，佔了9%的稅前收入，錢全花在汽油上，其他方面的消費肯定就會縮減，而零售消費佔了美國 GDP的七成份額，油價高企直接影響GDP的增長。試想纒如油價升上120美元，後果會點?



    第二，金屬價格。金屬價格正反映油價上升對經濟的打擊，以及中國壓抑信貸可能對工業用金屬需求的影響。只要唔睇工業應用好少的金價，銅價昨日大跌3.6%，鋅、鉛、鎳全線下跌，相關礦業股當然會受影響。金屬價格回落係全球經濟轉慢的先兆。



    第三，美股走勢，已露疲態，有技術因素，有基本因素。反映美國中小股走勢的羅素2000指數自去年9月呢一波升市開始，一路領先其他指數，但昨日開始落後。睇番杜指，在12400點明顯見鰦個頂，之後一直未能再突破，上周衝近12300點又回，開始浪頂一級低過一級。美股交易員話，昨日剛好是兩年前熊市低位兩週年，這兩年開了派對，可惜好多人遲鰦入場，現在入場又遲鰦少少。



     過去兩年標普500指數由09年3月9日的底部升了95%，CRB商品指數升了74%，油價升了121%，美元指數跌了14%(弱美元資金便宜造就了升市)。但標普500指數兩年升95%，係過去60年來第二大的升市，第一大升市是1953至55年，那兩年升了98%。按過去的經驗，大升兩年後，第三年的投資環境就開始艱難，因為令股市上升的因素減少，特別是盈利增長放慢，你睇標普500指數公司的盈利增長，2009年是50%(上一年基數低)、 2010年是30%，今年估計是15%，成本上升是主因，能源和商品價格大升，人工也向上，令公司愈來愈難賺錢，所以股價失去大升的條件，開始舉步維艱。



    綜合而言，美股前景唔係咁爆，但大陸通脹略為紓緩，可能冷熱的狀況暫時互易，但要小心睇實油價。



陸羽仁[/size]