將軍: 明年或2013, 恆指見35,000點

大家可能會覺得奇怪, 又或者以為自己睇錯(35,000點?), 因為大市剛經過大插, 又日本地震核洩漏, 利比亞打仗, 中國加息打通貨膨脹, 美國可能無QE3, 歐豬降級......


雖然最近真係有好多壞消息, 但大家有無發覺其實個市底幾強, 怎也跌不穿22,000! 跟住你可能會問: "喂咁跌唔落姐, 點解又話明年或2013, 恆指見35,000點呀?!"  首先, 這是一個牛市定律, 自有股市以來, 牛市最後都係見新高, 然後見頂回落, (沒有任何地方股市例外) 而且好像煙花燒到最後一樣, 一定最勁, 最燦爛之後玩完散band. 因為上一次港股恆指牛市見頂在2007/2008年見到32,000, 所以這次牛市高位應該比上一次高.


跟住你可能會問點解係35,000, 唔係33,000 或 38,000 或更高?! 其實這只是一個預測/睇法, 確實數字不是最重要, 大約個range中就可以了 (如35,000至38,000), 我們只是人, 不是神. 當然我唔係無的放矢啦, 接著我會慢慢分析給你聽, 看看合理與否.


接著, 恆指有史以來既平均市盈率(P/E RATIO)大約在15, 16倍 (參考信報和各大行統計), 而現在港股約是12倍左右. 當恆指過往見牛市頂位時大約是20倍或更高, 個別股份更去到50-60倍, 如2007/08時既中國人壽 (2628, 去到成$55). 根據信報在2007/08 恆指見頂時既統計, 當時既爆煲市盈率約是25,26倍. 如是者, 港股若在現水平翻一翻 (由12倍市盈率去到24倍), 若公司盈利保持現在既增長 (so far 出既業績都幾好), 恆指便可見46,000點 (現在約23,000), 相信是非常非理性亢奮時才有機會出現.


但我認為大家在上一次2007/08年牛市是炒過龍, 因大家憧憬"港股直通車", 大陸人可全面開放買港股, 炒到瘋狂飛起! (13億人一人買$1,000, 都唔得掂啦! 以為...) 因此32,000確實不是便宜或低, 但相信來近明年或2013年, 牛市三期35,000,至38,000點將是有可能的.


現在是牛市二期機會大

因為暫時未見到催化劑/導火線引起牛市三期既出現, 你唔見大家仲係無咩信心, 一見跌就驚, 升又驚急急沽貨獲利. 大市在今年都應該是上落市居多, 大多數時間會在21,000 至 26,000之間上落 (buffer range, 無咩大事應跌不穿21,000). 另外, 相對於樓市, 債市, 黃金和澳元等在高位移動, 股市實在是便宜, 而且息率普遍有3-4厘以上, 股市爆煲時股息一般在2厘以下. 大戶就是要你驚, 要你心大心細, "高買低賣", 然後它們收夠貨才在牛市三期大幅炒上, 你忍不住又再追貨...之後就爆煲...後悔....重複犯錯!


第三, "上帝要你滅亡, 便先令你瘋狂". 我未見過股市/牛市在擔心中和低估值時玩完, 除了2003年SARS時, 2000年科網熱潮爆破後已很低迷, 但只是基本上橫行, 到2006時又起動). 除非大家見到週圍既人全民皆股, 時刻都談股, 買股, 訓身, 咁就危險啦! (現在還距離很遠)


牛三芳蹤

跟住你可能會問咁點先見到35,000, 牛市三期呀? 好簡單: "錢 +慨念+亢奮= 泡沫 +爆升". 1. 當大家見到中國政府話通貨膨脹可受控或將受控, 或者通脹就算是5-6%都無問題(以前中國試過左90年代見過20%通脹啦!), 銀根因而放寬, 市場氣氛轉好; 2. 美國經濟如果復甦得很好, 根本唔需要QE3; 但若不是很好, 失業率仍高若在8-9%樓上, QE3, 4 ,5 又會出台; 3. 強勁概念炒作股如新能源, 十二五計劃受惠股如建材/農業/環保/節能/消費板塊等狂炒出現. 這時就是牛三起動時機!


你可能會發現我不理會或談論歐豬問題, 中東問題, 高油價問題, 日本影響等, 因為這些都是少問題或一段時間後才需面對和解決的, 而上面提到既利好因素又蓋過這些利淡因素, 而且會慢慢淡化, 你唔見1971大股災, 1989六四事件, 1995神戶大地震, 1997金融風暴, 2000科網熱, 911事件, 2003SARS, 2007/08金融海嘨等, 都總會過去或淡化咩.

股市領先經濟

股市是領先於經濟, 當經濟未完全復甦, 股市已炒上, 你看2009年; 當經濟幾好時, 好多時天時, 地利, 人和都好, 股市就爆升, 像1996-1997,2006-2007; 反而當經濟好好時, 股市已率先回跌, 你看2007/08年, 其實未有"雷曼事件,個市已經回落緊.


大戶落腳香港

大戶如索羅斯, 保爾森和安東尼波頓都相繼落戶香港, 事必有因, 其中可能係歐美加強監管投資和對沖基金既炒賣等, 他們想曲線投資中國和人民幣資產; 但我個人認為他們是"嗅到"香港有好大既投資/獲利機會/資產泡沫, 才遠道而來, 像97/98時索羅斯"炒爆"港股和東南亞為止一樣! 今次相信亦不例外!


因此現在是開始趁低, 分段吸納既好時機, 然後靜待牛三出現, 豐收, 離開之後又再等機會, 等熊三再買貨. 好難一次就發達的, 除非你現在已有一筆不錯既投資金額如五百萬港幣, 否則只好做多幾次, 把握機會, 時機, 累積致富.



記住, "賤取如珠玉, 貴出如糞土" 和 "別人恐懼時你貪婪, 別人貪婪時你恐懼"! 當然要有分析和理據啦, 不是萬事都相反, 作對!




將軍