劏房收租得4厘　衰過存人仔

[img]http://static.apple.nextmedia.com/images/apple-photos/video/20130912/org/1378932446_81a3.jpg[/img]

政府研究規管劏房，劏房投資者有機不用偷偷摸摸。記者日前走訪劏房集中區之一的深水埗，多名代理不諱言舊樓放盤奇缺，部份業主吊高來賣，投資舊樓開始「冇乜肉食」，連租約劏房冇樓睇放盤的回報率，甚至與藍籌屋苑相差無幾。有代理建議買交吉舊樓再劏，又有代理硬銷連劏房租約放盤較好，不用花錢裝修。

記者日前佯裝投資者步進深水埗某代理行，一名資深代理介紹福華街一個唐樓單位，實用面積600方呎，叫價485萬元，「未劏㗎……有六百零呎，百零呎一個（劏房）到啦，一個（劏房）收四千零蚊。」計計數，全數出租，回報僅4厘。追問該幢樓有無單位做劏房？「成幢都好多劏房，但係人哋唔會賣嘅呢，人哋收緊租點會賣畀你呢？」
現時有部份銀行人民幣定存息達4厘樓上，分分鐘穩陣過買劏房。

[img]http://static.apple.nextmedia.com/images/apple-photos/apple/20130912/large/12bx01p.jpg[/img]
■深水埗舊樓放盤短缺，業主吊高來賣，一個實用600方呎單位，叫價485萬元，媲美長實新盤昇柏山兩房戶。

[b]深水埗3劏房　328萬放售[/b]
談及有沒有連劏房租約放盤，他回答：「（價值）不菲㗎啦！」然後轉身取記錄冊後說：「汝州街唐6樓，實用627呎，收租1.23萬元，開價328萬元，已經劏開3個一房一廳㗎啦。」
記者稱回報4.5厘太少，他就推介：「福榮街唐8樓，約600呎，租緊7,500元，佢無間套房，你可以劏套房，不過9樓嚟噃，開價338萬元……重新劏過（劏到幾多？）呢啲你自己揸主意，無人限到你。」
他補充：「120方呎套房，月收4,500元。」計計數，最後一個推介單位，劏4間套房，月租4,500元，冒着被檢控風險，回報亦不過6.4厘。
接着走進另一間代理行，記者稱搵唐樓投資，他便說：「間咗套房個啲呀？睇回報，𠵱家兩、三厘（咁低？）梗係啦，樓價高咗，租金高咗，𠵱家地舖都係咁上下啦。」他稱：「未劏個啲，𠵱家手頭上冇喎。大多數是劏好晒，全部連租約賣。」一邊檢視放盤簿，一邊說：「呢間啦，有5.3厘，長沙灣道近北河街，唐7樓，實用500方呎，已經劏咗4間，收1.2萬元，叫價268萬元。」他續稱：「大多數人搵到都要劏好個啲，因為𠵱家唐樓有法團，你去劏房，樓上樓下會向屋宇署投訴，始終你係違法㗎嘛！」他再落嘴頭：「呢區好多業主都喺度博收購。」

[img]http://static.apple.nextmedia.com/images/apple-photos/apple/20130912/large/12bx02p.jpg[/img]
■舊樓連劏房租約放盤，回報率僅3厘至5厘。

[img]http://static.apple.nextmedia.com/images/apple-photos/apple/20130912/small/12bx04p.jpg[/img]
■代理推介已劏房的舊樓，因為重新劏過，或被街坊舉報。

[b]一旦規管　供應勢減少[/b]
有深水埗資深代理指，假如規管劏房事成，不合格劏房被取締，一劏幾十間的情況不再，劏房數目減少，租金勢將再升，屆時回報率亦隨之回升。他又指，近年越來越少投資者敢冒風險投資劏房，令劏房供應減少，租金在今年首兩季曾錄5%至10%升幅，目前實用呎租由35元至40元。
律師謝偉俊表示，劏房屬僭建的一種，違反建築物條例，雖然市民可向屋宇署舉報，但是屋宇署通常會先勸喻，要求業主根據公契還原單位屋則，不會即時檢控。倘若勸喻無效，最嚴重是釘契，「其實風險唔算好大，所以點解𠵱家咁多人做劏房。」同時劏房亦有可能違反消防條例。

[img]http://static.apple.nextmedia.com/images/apple-photos/apple/20130912/large/b0201a.gif[/img]

來源:蘋果日報網站