太興資金足　上市嘆慢板

翠華（1314）上市後迅速山雞變鳳凰，小小茶餐廳市值便高達67億元。今年踏入25周年的太興，餐廳規模較翠華大一倍，中國生意實現自負盈虧。主席陳永安接受本報訪問，罕有解剖太興「秘方」，談到上市則態度曖昧，「好多夥記都催我，幾年後先啦！」
現時，太興集團旗下餐廳達101間，比翠華多逾倍，上市似乎是投資者最期待的畫面。陳永安笑笑口、一臉「講呢啲」表情說：「好多人都問我（幾時上市），遲啲先，幾年後啦！」他解釋，「上市壓力大，風險又高，我唔係特別想做上市公司主席，到時啲私隱咪冇晒。」

[b]盼中港各年開七舖[/b]
為發展而集資，太興亦「唔等錢使」，「最高峯（投資期）已過，𠵱家冇乜資金壓力」，令他擔心的是，上市後做生意綁手綁腳，「點解翠華上市開舖密咗、（生意）唔得都要焗住開？要同投資者交代呀嘛。」
雖然上市「十劃未有一撇」，但集團中長期發展，陳永安已有「五年計劃」。在香港、中國市場，太興餐廳每年各開6至7間新店，其他副線品牌每年開約7間，「五年後（30周年），最少都有200間餐廳」。
他不肯透露集團具體生意額，「大概一年十幾億啦，每年雙位數增長，同店銷售增長接近雙位數。」數年前，集團開拓副線品牌，如宮崎燒肉、南燒北鍋，粥麵店「靠得住」更入選米芝蓮推介食肆，「八年前買『靠得住』番嚟，改良食品、物流，生意升咗20%，𠵱家最想要粒星！」

[b]呻成本高　未擬再加價[/b]
香港競爭激烈，三高一低（人工、租金、食材成本高，消費意慾低）困擾飲食業，陳永安坦言，「一年比一年難做，啱啱初六加價3%，加人工都唔夠。」目前太興未有計劃再加價，人均消費逾50元，「無加一小費茶芥，我哋都唔係好貴」。
集團09年進軍大陸，業務獨立於香港，現落戶12個大城市，盈餘足夠開新舖，「大陸人覺得高檔啲，喺度見客、見朋友，得兩個人叫3、4個餸，嗌埋老火湯同甜品，人均消費起碼一百蚊。」為加強港式風味，陳永安要求個別員工懂得廣東話。冰鎮奶茶最好賣，「𠵱家三秒賣一杯，遲啲開到200間分店，嘩！咪一秒賣一杯？」
陳永安強調，不急於擴大中國茶餐廳版圖，「由09年第一間，到𠵱家40間，我已經覺得好急，做好個品牌最緊要。」他續指，內地業務在培訓人手、後勤支援上，仍需大量工夫，未來專注現有12個城市發展。

[img]http://static.apple.nextmedia.com/images/apple-photos/apple/20140224/large/24bi21p.jpg[/img]
■陳永安表示，暫時不急於將太興上市，但笑言受到員工催促。


來源:蘋果日報網站